Bi am morge vom 29.4.2010 via usfahrt Aucheflüeh gäg Burgdorf u de gäng richtig Langnou bis zum chund. d’ abnahm isch problemlos gange u ä chlini betribsfüerig han i ono übercho. bi när überä Schallebärg bi Dän ga nes bier u nes paar möbu näh, dä züglet scho das wucheänd.
Bim heifahre han i gmerkt dass es mir evtl. no itz franz längt. mit vougas hei, obwohl dr tank scho um Bärn het läär azeigt.
18:20 bin i de z’Vinzu gsi, früsch gmacht u losgfahre gäg Nyon mit dr absicht in vich de no z’ tanke. bis vich bin i aber nüm cho!
ha z’ outo chöne dert gäg Begnins ir chrüzig its gras la roue, z’fuess retour ga z’velo hole u nä kanischter (wo ni im gartehüsli gfunde ha)
u tcs nummere für ä schlimmscht fau u no schnäu google tschegget obi chance ha dass er wider alouft…
auso das het sich zoge uf das vich mit däm gägewind aber wöus de retour ring isch gange han i no äs zwöits chändli ghout à 5 liter, dass i de sicher moscht asuge u nid für nüt d’ batterie zbodeörgele. u de ischs ändlech sowit gsi, no schnäu z’velo iglade (het no grad platz gha uf de möbu) u de bättet. dä het görgelet aber gar nüt drgliche ta!
scheisse! z’betriebshandbuech! entgäge dä gfundne google-iträg han i no müesse entlüfte: das isch aber gar ke sach gsi, wöu das heisst konkret nur, dass me muess äs handpumpeli betätige. U jetz isch er sofort aglüfe .

This entry was posted on Donnerstag, April 29th, 2010 at 8:24 pm and is filed under Schweiz (Vinzel). You can follow any responses to this entry through the RSS 2.0 feed. You can leave a response, or trackback from your own site.